出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
梁繼昌冇證據、玩龜縮?
梁繼昌冇證據、玩龜縮?

呢幾日囍雨都不斷講UGL事件,先後多次指出民主黨唔理自己黨有個「搶劫嫌疑犯」許智峯,反而走去翻炒UGL事件,仲要係無視事實、屈人又眾籌,仲畀錢益自己友,何俊仁兄弟律師行做埋顧問,大有搞「老千局」嘅嫌疑。其實,喺UGL事件上,盲反派仲有一個關鍵角色,就係上年話CY正接受香港、外國稅局調查,畀CY入稟告佢誹謗嘅會計界議員梁繼昌,但佢一直唔回應、唔提證據又唔道歉;其實指控他人又「無憑無據」,唔通梁繼昌忽然失蹤,以為乜都唔做或者毫無證據,「緣份一到」佢講嘅嘢就會成真?


扮稅務專家搞「政治謀殺」?


梁繼昌作為立法會會計界議員,公眾會期望佢好好運用專業知識,喺議會為民服務,但佢上年三月無端端講CY正接受香港同外國稅局調查,唔適宜做全國政協副主席;面對咁嚴重嘅誹謗,梁振英亦都講到明佢根本無收過任何稅局嘅任何查詢,更遑論係調查。最近,CY亦請梁繼昌收番佢嘅指控,而梁繼昌好似仲係冇回應咁。囍雨真係相當之好奇,對人提出指控,但又唔攞證據出嚟,又或者畀人嚴正指出佢誹謗都唔道歉,梁繼昌係咪同林卓廷一樣,屈完人又想當冇呢回事呢?


是咁的,梁繼昌作為會計界議員對稅務問題應該好熟架啦;但唔講大家未必知,其實梁繼昌仲話畀人知佢係「倫敦政治經濟學院法學碩士」、「香港及英格蘭執業律師」,囍雨又想問下梁繼昌,如果佢對人提出指控,而人哋斬釘截鐵話佢作出誹謗言論,好應該攞證據出嚟證明自己講嘢屬實喎;又或者,如果佢所講嘅並非事實,佢唔係應該公開收回言論,同埋向梁振英道歉咩?而家唔澄清、唔提證據又唔道歉係咩玩法?呢啲係咪盲反派嘅「佛系」老屈大法?咁搞法,對畀佢哋冤枉嘅人好唔公平下喎!


無品德、毫無政治承擔


撇除法律問題囍雨唔講,梁繼昌作為一個「從政者」(囍雨覺得係「抽水政客」),如果面對公眾而對其他人士作出指控,點解唔講個清清楚,又或者承擔番自己嘅失實言論呢?係咪掛住「民主牌」嘅招牌,就講乜都唔駛負責作先?又或者,佢係咪覺得CY應該要自證清白,責任不在佢身上呢?一直拒絕唔回應,十足十嘅「龜縮」,真係估都估唔到所謂有道德高地嘅反對派人士原來係咁卑劣囉。


原圖:takungpao

評論