出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
林卓廷「炒冷飯」 又借UGL出位?
林卓廷「炒冷飯」 又借UGL出位?

民主黨近年「人才輩出」,除咗有近月最出位嘅「釘書健」林子健之外,仲有涉嫌幫林子健一齊「作故仔」、成日喺公眾面前亂噏廿四嘅立法會議員林卓廷。林卓廷繼日前以「國歌法狂想曲」反《國歌法》甚至涉嫌歧視傷殘同少數族裔之後,今日睇報紙見又「炒冷飯」,聲稱自己今個禮拜會到英國舉報梁振英UGL事件「涉貪」、「逃稅」。奇怪喇,英國嘅執法機構一早話咗冇Case,林卓廷仲去舉報咩呢?仲有如果係「貪污」就唔會要交稅喇,又點「逃稅」呢?係咪為咗做政治騷,林卓廷去到幾盡都得?

 

林卓廷所謂指控得啖笑

  

囍雨隨手喺網上面搵啲資料,都見到梁振英已經聲明過,英國嘅反貪機構以至金融行為監管局,都一早講過唔會調查梁振英;而所謂「逃稅」,梁振英亦講到明無收過其他地區嘅稅務機構查詢或者調查,到底林卓廷仲要去「邊度」舉報,同舉報咩呢?唔通林卓廷厲害到就算英國調查機構講到明無Case,佢都可以用「廉署之星」嘅名義叫人開File咁神奇?

 

囍雨其實都好懷疑林卓廷嘅法律知識,佢講到梁振英「收受賄款」咁,但係連率先報道UGL交易嘅澳洲傳媒隨後都喺報道澄清咗涉事各方持份者,包括收購各方以及當時戴德梁行嘅主席都知道協議並且積極參與協商內容,無隱瞞又無利益衝突,請問梁振英「貪」喺邊度呢?林卓廷隨隨便便又話人「貪污」,如果佢去到英國投訴而英國有關機構最後還梁振英一個清白,林卓廷係咪會公開道歉先?講到「逃稅」,仲無稽,人哋稅務機關根據當地嘅稅制唔要求梁振英交稅,林卓廷又要人哋查CY「逃稅」,其實說穿了,係搵個罪名玩CY囉!呢啲咪政棍本色囉!

 

事實是路過英國 順便做騷?

 

囍雨本身都覺得好奇怪,點解林卓廷要喺另一立法會議員梁繼昌被告誹謗嘅情況下,都要「再」去英國舉報梁振英呢?原來佢今個禮拜五會去英國出席會議!其實,林卓廷係咪因為要去英國開會,覺得英國之行應該「不枉此行」,所以諗到順便去「舉報」梁振英嘅政治騷呢?如果係,囍雨奉勸佢小心抽水抽著火水喇,佢已經唔係第一次架啦!


原圖:stheadline