臭名遠播嘅「青年新政」立法會「前」議員游蕙禎又有新搞作，繼早前佢喺法院裁定佢同梁頌恆兩件人形物體敗訴、褫奪佢兩個議員身份之後聲稱要向英國求救之後，最近又再被傳媒踢爆，計劃去信台灣地區領導人蔡英文，要求對方就新界主權問題表明及陳述官方立場咁話。兩個「港獨」上腦嘅小朋友，為咗合理化自己種種歪理已經無所不用其極，不過兩個愈係掙扎，就愈顯得自己幼稚無能，而家就等囍雨逐一踢爆佢啦！

聯合國大會早喺1971年通過《2758號決議》，決定由中華人民共和國喺聯合國行使中國代表權。換而言之，喺聯合國角度，中華人民共和國係中國唯一合法代表。

之後，喺1972年，聯合國去殖民地化特別委員會喺工作報告上決議將香港同澳門剔出「非自治領土清單」，聯合國大會其後再通過《2908號決議》，確立同認可去殖民地化特別委員會份工作報告。簡單而言，香港同澳門自此已經再無所謂「非自治領土」嘅地位。其後到八十年代，中國同英國共同發表《中英聯合聲明》，確認中國喺1997年7月1號對香港島、九龍和新界是於恢復行使主權。

情況非常清晰，聯合國認可中華人民共和國係中國嘅唯一代表、英國亦認可中華人民共和國係中國嘅唯一代表，中央政府同英國政府所發表嘅《中英聯合聲明》自然係合法有效文件；雖然游蕙禎講到《中英聯合聲明》已經失效，但事實係點，全世界人都知，於是游蕙禎嘅傻行，再次受到國際恥笑。

游蕙禎幼稚有前科

其實今次已經唔係「青年新政」獻醜人前架喇，記得九月參選嘅時候，「青年新政」喺政綱上就提到「透過開發香港專屬經濟區內的天然氣」，令香港可以喺能源方面自給自足。咪住？天然氣？香港有天然氣？邊度有呀？唔知架，冇人答到架，因為連游蕙禎都唔識答囉，「老作」政綱之嘛，乜真係要做到架？

「青年新政」有幾低能，真係講多都無謂。游蕙禎同梁頌恆兩個一直出醜人前，議政能力？冇；辯論能力？冇；論述水平？都係冇。兩個都「百冇」走去選議員，最終又唔知點解選到，呢一刻囍雨真係好想知，唔知投票畀佢兩個嗰班選民到底而家有咩感受呢？

圖片來源：RTHK