//為咗「吸睛」博注意，著草攬炒派真係無所不用其極，連自己手足入獄都可以用嚟「抽水」，又話齊上齊落喎，講完真得啖笑囉！//

著草攬炒派真係笑料百出，繼人人自稱被跟蹤然後著草再乞課金嘅「吸金」方程式後，最近又一力作，出咗個「吸睛」方程式！就係每當有「手足」被判囚，班著草攬炒派就喺社交網站「現身」指指點點。噚日，涉及去年6.4非法集結案嘅黃之鋒、岑敖暉、袁嘉蔚及梁凱晴，被法庭判囚4至10個月不等。本身同為案中被告，但著草海外而被法庭通緝嘅張崑陽同羅冠聰，即刻撲出嚟喺社交網站上打晒千字文，又貼晒當日集會嘅合照咁，「抽水」博注意。

嗱嗱嗱，張崑陽又係好例牌咁，話咩咩咩「揭示了政權，已經容不下任何異見聲音」、又話咩咩咩佢哋「無罪之有」、「法庭不能判他們有罪」喎。而羅冠聰就懶感性，話自己若果唔係已經離開香港，就會係另一位喺囚車嘅乘客，仲話自己咩咩咩「感到漸愧」，必須勉勵自己，繼續前行喎。但佢話哂係大學生，點解連「慚」愧都寫錯字，有幾慚愧呀？

嘩嘩嘩，張崑陽同羅冠聰既然講到自己咁痛心同伴入獄，點解唔返嚟香港，齊齊面對應有嘅刑責先，又話齊上齊落嘅，你哋喺外國䟴䟴腳歎世界，但「手足」就踎監，享受緊自由嘅張崑陽同羅冠聰依家仲講埋啲咁嘅嘢，究竟係攞景定贈慶先？仲有呀，昨日判監嗰4名被告，佢哋認罪㗎，點解你哋又唔講嘅？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk