//70歲嘅何俊仁，唔止被爆獄中「瘦咗兩個碼」，依家仲要被遠在英國逍遙自在嘅李永達「祝福」。哎，呢啲咪「真兄弟」囉~//

又有好戲睇喇!走佬英國嘅李永達祝賀獄中嘅何俊仁生日快樂，大家估吓究竟係攞景定贈興？是咁的，今個月1號係民主黨前主席何俊仁嘅70大壽，佢因為涉及四宗非法集結案，正在牢獄中度日。而何俊仁「有情有義」嘅黨友李永達，2號就喺社交網站發文，話「祝仁哥生日快樂」，更貼上一張2009年佢幫何俊仁慶生切蛋糕嘅相。而李永達嘅太太，民主黨前區議員陳樹英都貼出同其他朋友嘅合照，話咩咩咩「無論變遷，常常記掛遠方的朋友」。嘩，睇嚟感情好似好深厚喎，咦，點解賀壽唔祝佢年年有今日，歲歲有今朝嘅?

其實喺今年8月，李永達已經被揭發，靜雞雞同太太陳樹英前後腳離開咗香港。後來被部分黨友公開質疑係「叫人衝自己鬆」，陳樹英先自爆「達和我在英生活安好」。喂喂喂，當初你兩個咁冇義氣拋低手足走佬，田雞過河各有各撐，依家又突然蒲頭賀壽，唔通想抽水擦存在感?

至於何俊仁，入獄一個月就要每日燙衣洗地半個鐘，大呻吃力。佢嘅囚友曾健成近排寫信仲透露，在獄中見到何俊仁「瘦咗兩個碼」𠻹。依家仲要被遠在英國風流快活嘅李永達「祝福」，哎，真係點滴在心頭囉。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk