諾貝爾和平獎成政治工具?
諾貝爾和平獎成政治工具?

前幾日,囍雨睇新聞見到有外國國會議員提名民主黨創黨主席李柱銘競逐諾貝爾和平獎,以示認同佢對香港民主運動嘅貢獻,覺得要提名一個專同政府、國家作對嘅政客去攞獎,奇怪;到今日,美國一個由民主共和兩黨國會議員組成嘅團體,就提名「香港民主運動」競逐諾貝爾和平獎,更奇怪!「香港民主運動」?其實係一場場充滿血腥、暴力嘅暴動行為,外國嘅議員係唔知咩事?定係扮唔知咩事?

 

據傳媒報道,提名「香港民主運動」競逐諾貝爾和平獎嘅美國政客,包括五位參議員同四位眾議員,以國會及行政當局中國委員會(CECC)聯席主席、共和黨參議員魯比奧(Marco Rubio)同CECC主席、民主黨眾議員麥高文(Jim McGovern)為首;佢哋喺信中就提到,「多位民主倡導者已在獄中,有些流亡海外,更多候審的人有被定罪判刑之虞 ... 獎項可表揚他們那份已鼓舞世界的勇氣和決心」,建議提名所有自1997年以來推動香港人權民主嘅人競逐獎項云云。簡單嚟講,就係為香港「爭取民主」嘅人士,都應該獲獎。

 

運動不和平 怎拿和平獎?

 

近年之所以有外國政客提名香港人或香港政客競逐諾貝爾和平獎,多多少少係因為持續一年多嘅反修例風波,外國政客要提名佢哋競逐獎項,佢哋知唔知呢場以至之前嘅所謂「民主運動」(包括旺角暴動同違法佔領),都係一場場充滿暴力嘅活動,例如反修例風波期間,就有無數警察、市民受到暴徒襲擊,好多商舖被刑事毁壞,有人被火燒,有人被磚頭掟死,更有無數宗血腥私了,提名「民主運動」攞和平獎,但「運動」本身就唔和平,點攞和平獎呢?

 

恕囍雨坦白講句,反修例運動以至旺角暴動等反政府活動嘅暴力情況,外國政客好難「完全唔知」,佢哋之所以一心要提名香港嘅「民主運動」或「民主運動人士」競逐諾貝爾和平獎,係出於政治考慮多於一切。對象係中國,所以支持喺香港嘅反政府、反中央人士;如果對象係自己國家,美國又有冇國會議員提名衝擊國會山莊嘅示威者攞和平獎呢?

 

其實,提名以至頒發和平獎,囍雨認為至少有兩個原則,就係被提名者不論爭取甚麼,都唔應該用暴力手段去爭取;其行動亦唔應該以顛覆自己國家為目標。如果和平獎成為專門頒予用暴力嘅或者顛覆人士,咁和平獎會否變質?美國政客,請你哋收起你哋嘅雙重標準!


原圖:網絡圖片


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

21
好正
3
心心眼
11
好好笑
4
令人傷心
18
嬲爆

評論

  • 龙的傳人
    龙的傳人
    1年前
    0 回應
    外國政棍~把明玩野
    • +85293****26
      +85293****26
      1年前
      0 回應
      這群美国瘋狗,當全世界都是瞎子

      沒有更多評論

      沒有更多評論