//日日心虛，驚被警察捉， 又多一個攬炒派「著草」!好行夾唔送！//

又一個攬炒派「著草」!最新一位係已辭去屯門區議員的巫堃泰。唔記得邊位係巫堃泰? 佢前年有份發起7月27日「光復元朗」遊行，涉嫌組織未經批准集結被捕。英國有報章報道，指巫堃泰上星期初到咗倫敦希斯路機場後，就申請「政治庇護」喎。巫堃泰喺報道中扮晒可憐咁，話擔心自己嘅政治立場會觸犯《港區國安法》被捕，先會決定離開香港。

可能佢都自知自己知名度極有限，為咗提高報道嘅吸睛度，講到「著草」過程時，就咩咩咩等上飛機嘅時，改變髮型同埋除咗副眼鏡，仲要對便衣警察保持警惕添。係咪好似好驚險咁呢?

可能佢都知SELL驚險唔夠，當然又好例牌咁賣慘。佢形容離開屋企人同埋過去嘅人生係屬於「創傷性」，幾咁悲情～仲話喺香港嘅時候，每朝早5點幾6點就會起身，睇吓有無警車出現捉佢。而家到咗英國，終於可以安睡咁話。其實，平生不作虧心事，半夜敲門也不驚!但巫堃泰心虛成咁，唔知佢可以「安心」瞓幾耐呢?

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk