厚多士你就知邊個姐，厚面皮你知唔知係邊個呢？登登登登！

咪梁麗幗姐姐囉，咦？你終於蒲頭啦？兩個幾禮拜無見你啦喎，去左邊呀？今個月十一號金鐘清場，你快閃左喎，之後又無出嚟自首！明明你响佔領行動做晒LEADER架嘛，而家唔單止「唔找數」呀，正所謂「沒有最無恥，只有更無恥」，仲扮哂若無其事走返出嚟「抽水」添？

呢呢呢，通車日，又再抽過！講真，梁麗幗你快閃就快閃得好過癮嘞，但當日畀你鼓動出嚟佔中、跟住仲被人拉嗰啲學生，佢哋就陰公豬囉，攪到負上刑責周身蟻，邊度仲好似你咁唔自首可以繼續做律師呀？不過，你扮無事都無用架啦，大家仲好記得，你出過來「公民抗命」，你出過來嗌咪，你唔駛側側膊唔多覺啦！梁小姐，快啲找數吧啦！