黎智英被捕 因為當局「旨在威嚇」?
黎智英被捕 因為當局「旨在威嚇」?

攬炒派一直以嚟都有個「習慣」,就係但凡佢哋或者佢哋嘅「自己人」被捕,佢哋都係「慣性地」話自己受到打壓、「政治逼害」及「白色恐怖」等等;作為攬炒派嘅「最大後台」、「幕後金主」,黎智英因為涉嫌參與「未經批准集結」同刑事恐嚇被捕,黎智英當然唔會話自己「有罪」定「無罪」啦,佢接受美國電台訪問時,就稱「當局的拘捕行動旨在威嚇上街的市民,讓他們不敢上街 …」,對於呢種說法,大家點睇?

 

不論身份 涉違法就要拉

 

成件事,囍雨認為絕對唔係黎智英咁講,當局拘捕、檢控15名攬炒派人士,係因為有人的確有組織或參與未經批准集結嘅嫌疑,用另一角度睇,如果呢班攬炒派涉嫌違法但基於其「政客」身份而唔可以拉同告佢哋,咁囍雨就要問一句,咁樣仲有法治?黎智英有冇罪,要交俾法庭去做判決,但黎智英打「開口牌」話被捕係因為當局「威嚇」,有冇妨礙司法公正,都可能係一個問題。

 

值得留意嘅係,黎智英接受美國媒體訪問,梗會講啲嘢關美國或者西方國家事啦,根據佢自己旗下嘅《生果報》報道,佢聲稱喺疫情之下,「中國與西方國家關係惡化,同時為轉移疫情的視線,中國需要建立一個『共同敵人』,利用內地民眾的排外情緒,將人民團結起來」,囍雨又想問,依家借建立「敵人」轉移疫情視線嘅,乜唔係美國咩?黎智英係咪因為自己「為美國而戰」,所以將事實掉轉嚟講?

 

想美國「攻打」中國?

 

講到呢度,囍雨想同大家講,黎智英仲有個離譜嘅地方,就係稱「希望西方國家可以幫助中國人民,讓他們享有言論自由 ...」,囍雨喺度諗,黎智英會唔會想倡議「美國為了中國人的自由而『攻打』中國」?黎智英賣港賣國,都唔係咩新聞,但講到咁出面,真係唔會避忌喎!

 

近月,關於黎智英嘅案件或者疑似案件陸續出現,既有黎智英涉嫌參與「未經批准集結」、刑事恐嚇案,又有佢旗下《生果報》總部涉違地契「秘撈」,甚至佢名下公司涉無牌經營「公司秘書」業務,疑違洗錢條例等事件,囍雨只係想講一句,香港無「刑不上黎智英」呢回事,如果佢真係涉嫌違法,就要追查、追究。 


圖片來源:中通社


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

12
嬲爆
2
超無奈
2
無意見

評論