居安思危
居安思危

本文作者為國藝娛樂文化集團主席冼國林


「山外青山樓外樓,西湖歌舞幾時休,暖風薰得遊人醉,直把杭州作汴州」。這一首係宋朝南宗偏安時期一位不知名人士所寫。表面上首詩嘅意景好似形容人們享受良辰美景,實際上係諷刺當時宋朝時期,北宋政府已經畀金人打到要退守江南,定都臨安,即是今天的杭州,建立南宋政府。但當時南宗官員腐敗無能,整日陶醉喺歌舞昇平醉生夢死嘅生活,完全冇居安思危嘅意識,忘記了當日被金人從原來定都汴州的北宗政府(汴州即是今天河南開封),趕至江南,定都臨安(杭州)的教訓,對敵人疏於防範,最終亦被外敵所滅。


其實香港回歸二十多年,一直有外國勢力潛伏在特區各個範疇並培養大量叛逆勢力,而我哋嘅特區領導層,包括中央註港機構,一直都這些表面歌舞昇平嘅現象所蒙蔽而忽略了潛在危機,直至發生2014年佔中,2019年黑暴動亂,大家先至發覺到原來香港已經被滲透至一個點,無論司法、行政、立法、教育及社福界都有好多潛在嘅反對勢力。


國安法的出台確實是收到鎮壓之效,而市面除咗疫情影響之外,似乎又回復返歌舞昇平嘅現象。政府官員又開始吹墟經濟如何會大反彈等等。似乎又回復返「暖風薰得遊人醉,直把杭州當汴洲」的自我麻醉思維。 


寫這篇文章的目的,是希望提醒大家唔好再畀一啲表面歌舞昇平嘅現象蒙蔽心智,對潛在危機掉以輕心。我哋必須要以正本清源,進行司法改革,澄清吏治為首要任務,吏治之後可以安心發展及解決其他房屋、經濟、教育及民生嘅問題。當然亦都可以雙軌並行,但絕不可以視而不見,被敵人短暫嘅表面順從再一次蒙騙。


原圖:政府網頁


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

(本文純屬作者個人意見,不代表『港人講地』立場。)
15
好正
3
心心眼
0
好好笑
0
令人傷心
0
嬲爆

評論