民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪受審。控方今早於西九龍裁判法院繼續播放新界東選舉論壇片段，在辯方多番要求下，控方交代將於辯方盤問前，釐清共同串謀者規則下他人指證發言及達成串謀時間。審訊明日(21日)繼續。
新界東選舉論壇中，何桂藍揚言「立法會要過半，我哋唔係講緊再投議員入去議事咁簡單，而係要奪取主導權，將立法會變成人民嘅武器，要突破中共set畀香港嘅死局，需要最多嘅抗爭派進入議會」。何桂藍直指「立法會唔再係一個議事嘅殿堂，亦只係一個抗爭嘅陣地，所以我哋點解講緊要透過立法會來到去破局」，呼籲「喺國安法之下，我哋香港人要捉緊每一個反抗同埋反擊嘅機會」。
鄒家成亦指「呢一刻，香港需要嘅，唔再係西裝骨骨嘅政客為大家議政，而係需要具備攬炒意思嘅抗爭者為大家衝擊體制，撕下香港政治上最後一塊畫皮」、「我諗我今次參選嘅目的非常之旗幟鮮明，我就係要宣揚香港民族主義，因為要建立一個民族出來，我哋先能夠對抗到中華民族嘅入侵」，並交代自己會兌現發起《墨落無悔》聲明承諾。林卓廷則發言「中共粗暴制訂國安法，全方面鎮壓香港人，我哋香港人唯有用勇敢、智慧，同埋我哋嘅堅毅，去對抗呢個極權」。
梁國雄解釋「我就冇簽到嗰份抗爭宣言……我覺得冇需要簽……其中舉個例就係話要一定否決嗰個財政預算案，噉我做咗咁多年議員都係否決嘅年年都，噉我覺得即係呢個問題對我來講已經唔係問題」。梁國雄亦和應指「其實最新嘅就係35+嘅大戰略呀嘛，即係話，我哋係要攞一個全面嘅否決權，操諸我手」。陳志全認為「其實而家議會嘅抗爭真係要升級……議會抗爭就係要令政府要通過啲惡法或者係撥款嘅時候，就係難度愈來愈高同埋要愈來愈樣衰」。
認罪被告中楊岳橋提到「在座每一位都為35+而努力，希望爭取五大訴求」，解釋「攬炒其實講到尾由邊個去做呢？咪就係由當權者囉，無論嗰個係由林鄭定由北京嘅當權者，真正做到攬炒嘅只有佢哋」，又重提公民黨承諾指達到「35+」後會行使《基本法》所賦予的否決權。劉頴匡指出「我哋係願意完全係信任戴耀廷教授，以及係區諾軒前議員，呢兩位德高望重嘅人物」、「我好希望有堅定抗爭意志嘅本土派可以成為主流，帶領香港」。
范國威指初選目的在「奪取立法會過半議席，行使憲制否決權，逼使政府回應五大訴求」，又指進入立法會不單要有抗爭意志和經驗，而且要有「被控被捕坐監滅黨」的心理準備。林景楠就自言「會同大家一齊抗爭到最尾」。柯耀林則提到「噉我哋好希望呢係同大家香港人齊上齊落，五大訴求，缺一不可」，並稱「我哋會兌現今次我哋初選簽嗰個協議書，我哋係會支持所有出選初選嘅候選人」。
大律師Trevor Beel和馬維騉要求控方交代依賴論壇中何人說話來引用共同串謀者規則（Co-Conspirators Rule）指證何桂藍和陳志全，法官李運騰補充控方要界定該些說話辯方才能提出反對，而且原應在開審前就要準備好。
副刑事檢控專員周天行回應指會依賴全部說話，李官反駁「難道他們只說聲hello 又可以指證為引用共同串謀者嗎？」法官陳慶偉另要求控方釐清達成串謀時間，周天行遂答應將於辯方盤問前將兩者交代清楚。
下午的審訊中，控方繼續播放「超區」選舉論壇片段，涂謹申指「如果我哋有35+大把嘢可以玩，我哋全部（委員會）主席做晒」，鄺俊宇也指出民主派議會過半可以堵截「大白象工程」，也可以否決財政預算案。
岑敖暉指「中共用《國安法》去對付香港人，香港人就要喺一切嘅戰線，令到對方都要付出最大嘅政治代價，呢一個係今時今日香港人面對極權，各個戰線嘅意義」、「議會戰線最大嘅目的就係爭取一個破局嘅機會」，並表示會否決政府所有議案。
王百羽自稱「超區坦克車」，揚言「如果當呢啲垃圾嘅議員阻住我喺議會入面議事，甚至乎係做社會抗爭，我會用我自己嘅身位——超區坦克車，將呢啲噉樣阻住我哋議事嘅垃圾——立法會親中保皇議員，一個一個車出去議事堂。呢個係我對大家嘅承諾，肢體抗爭，堅實抗爭......阻止惡法通過」。
涂謹申發言指參選立法會「我有坐監嘅準備」，認為「如果我哋有35+大把嘢可以玩，我哋全部（委員會）主席做晒，除非政府唔夠膽上來，我哋好多嘢可以質詢佢」。鄺俊宇則指出民主派議會過半可以堵截「大白象工程」，可以否決財政預算案，但當議案能惠及基層時卻得贊成。李予信認為「當極權要全方位滲透呢個社會嘅時候，我哋嘅戰場，就係要全方位去應對」。
16名被告不認罪，包括吳政亨、鄭達鴻、楊雪盈、彭卓棋、何啟明、劉偉聰、黃碧雲、施德來、何桂藍、陳志全、鄒家成、林卓廷、梁國雄、柯耀林、李予信和余慧明。當中吳政亨、何桂藍、鄒家成、林卓廷、梁國雄和余慧明現正還押。
原圖：星島日報
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論