2005年在泰國四面佛發生炸彈爆炸事件後一個月，藝人米雪、任達華及旅遊專欄作家「泰國通」胡慧冲，曾應邀到已重修嘅四面佛祈福，振興當地旅遊事業。事隔18年，最近任達華與米雪再應邀到泰國，跟胡慧冲一起獲泰國政府旅遊局頒發「泰國旅遊大使」，其實胡早於10年前已獲嘉許「泰國旅遊大使」，今次係第二度獲得該榮譽。泰國當局同時向3人發出The Thailand Elite Card精英卡，在5年內可以自由出入泰國，以肯定他們對泰國的貢獻。
對於獲獎，米雪表示十分開心及榮幸，指泰國是一個購物天堂，一直以來十分受遊客歡迎的旅遊勝地，同時大讚泰國人，「泰國人好有禮貌又友善，而且泰國食品亦都好好食，我希望每個人都同我一樣，鍾意呢個令人驚喜嘅泰國。」
任達華更稱自己有一部分屬於泰國，「因為我細個嘅時候經常都嚟泰國，每年都會嚟。」而且於泰國留下不少腳毛，「泰國我真係好熟好熟㗎啦，成日都會去唔同嘅地方，我諗嚟過百幾次。我希望世界各地嘅朋友都會嚟泰國，泰國嘅朋友將親切嘅笑容帶畀世界各地嘅朋友。」
胡慧冲則於台上激動落淚，「因為泰旅局局長開始致詞時話欠咗我哋3個，當年四面神爆炸事件，佢好想親自答謝我哋，但各種因素下加埋疫情未能做到，𠵱家喺適當時候應該做返啲嘢，聽到我好感動，喺台上真情流露喊到好醜樣，相反華哥及雪姐加插嘅泰文致謝詞好得體。」
泰國精英卡、泰國之友及泰國政府旅遊局嘉許榮譽，是為表揚一眾對泰國作出重大貢獻的傑出人士，得獎者獲選是因全心服務讓泰國成為更佳旅遊勝地而成為典範。
圖片來源：星島日報
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論