港隊「劍神」張家朗，自奧運摘金後，人氣飈升。他前晚（4日）夥拍劍擊隊隊友吳諾弘、張小倫、崔浩然在Instagram（IG）直播，即場回答網民提問，張家朗更被隊友大爆單身，以及7大擇偶條件，短短1小時的直播吸引了1.9萬人觀看，認真厲害。
東京奧運男子花劍隊日前離開東京，張家朗、張小倫及蔡俊彥直接到深圳準備全運會，而吳諾弘則回港休養腳傷，4人分別在香港及深圳進行隔離。於是，吳諾弘發起IG直播，初時他與張小倫聊天，互爆花名，其後張家朗及崔浩然陸續加入，張小倫指他們在酒店內非常悶，所以第一次開live，但張家朗笑笑口表示：「大師兄（張小倫）迫我咋！」。
有網民問起張家朗的感情狀況，大師兄張小倫就踢爆對方單身，被指已與前港單車運動員、現為Now TV主持奧運的馬詠茹分手的張家朗亦主動承認：「咪話無（拍拖）囉，你（張小倫）都講咗我無。」其後，有網民問張家朗的擇偶條件，吳諾弘搶住代答：「佢（張家朗）嘅理想型......首先一定要返咁上下身高，跟住是友善、乖、孝順，對佢好囉」，張家朗便稱：「都係嗰啲啦。」張小倫則補充道：「最緊要唔好煩佢，忍得佢，忍得到佢成日飛，唔喺香港，你知而家香港好多港女啦」。
另外，有網民提到陳約臨事件，張家朗起初避談，隊友張小倫主動解畫，讚Kelly為人親切，表示：「其實佢好好人，嚟到嗰幾日有搵我哋做訪問，佢係興奮啫！我之後有message佢話其實好小事。」張家朗亦不停點頭和應，之後表示：「我都覺得唔係咩大事。」家朗未有怪責陳約臨，即獲網民激讚「劍神」有風度。
圖片來源：張家朗Instagram截圖
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論