因今年3月前赴美國就制裁交流意見，而被取消立法會議員資格的會計界前議員梁繼昌，接受《信報》訪問時稱，自己從不贊成制裁，亦沒游說美方制裁本港官員。他認為制裁對改善局勢無效，又指過去基於「兄弟爬山」，為免刺激民眾而未提出相關觀點。

梁繼昌在訪問中多次表明反對制裁，既然反對，為何又會應邀到美國？梁繼昌解釋，想了解制裁機制，「我係想知道究竟制裁對香港有咩負面影響，希望可以避到，咁我梗係要了解成個制裁機制點樣運作。」他又稱自己呼籲美方別用高壓手段，而是用政治解決個問題。

他又說：「你知好多朋友話（制裁）愈勁愈好，要『攬炒』，但係我冇必要講一啲嘢去刺激群眾。」他承認，溫和派無能力干涉激進派行動，「我哋係勒唔住佢哋嘅，佢哋係狂奔野馬，我哋只可以企喺度。」

至於示威者另一高舉口號是「攬炒」，梁繼昌認為要視乎定義，他說：「香港變成第四線內地城市，冇晒活力冇外國投資，如果係咁嘅『攬炒』，我覺得係絕對不可能接受嘅『攬炒』，如果真係咁我會覺得係一種好蠢嘅『攬炒』。」

圖片來源：梁繼昌Facebook、網上圖片

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk