//早知今日，何必當初呢?//

光陰似箭，眨吓眼又到年尾，因參與涉違國安法泛民35+初選，被拘押嘅本土派劉頴匡，自2月還押至今，超過八個半月，佢近日開始喺度計緊自己幾時出獄，咁快?案都未審喎!

是咁的，沙田前區議員石威廉於社交平台上載咗一封劉頴匡回信，佢喺信中話好擔心喺度坐完三五七年，會喪失咗最黃金歲月嘅青春歲月喎！劉穎匡被控「串謀顛覆國家政權罪」，最高刑罰係無期徒刑，刑期隨時係三年加五年加七年總和，剛剛滿廿八歲嘅佢，真係隨時踎到人到中年至能夠重獲自由。

佢之後又話咩咩咩，希望保持健康嘅身體同靈活嘅思維，直到放監嘅一日，然後好好補償返被虛耗嘅人生喎。唔係啩?參與違法初選，係佢自己揀，佢有無諗過畀佢煽動出嚟衝，最後搞到要坐監嘅「手足」先?講到自己咁慘?其實係自己攞嚟喎!究竟佢有無反省過㗎?

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk