//梁繼昌當年跑到美國參與「美港交流會」討論制裁香港，又大搖大擺開記者會。孭住呢啲黑歷史，希望佢之後唔好再搞事喇~//

雙11大家有無開開心心買平嘢？但對於DQ4人組嚟講就好淒慘，今年雙11正正係佢哋被DQ、失業一周年嘅紀念日。繼公民黨前立法會議員郭榮鏗​呻完要「抱緊初心，念念不忘」之後，會計界前立法會議員梁繼昌又發帖文，話咩咩咩「1111代表甚麽？各自表述可以了」，仲貼上一張四支銀針插入手臂嘅相，感歎「覺得心力交瘁」。原嚟係網球肘發作。

睇番DQ4人組嘅近況，郭家麒同楊岳橋因為泛民「35+初選案」，涉違反顛覆國家政權罪，仲被還押緊，郭榮鏗就帶住一家大細遠走加拿大。最醒目就係呢個梁繼昌喇，冇參與「35+初選」，又唔使離鄉別井，依家仲開開心心留喺香港。一下曬囡囡嘅Mirror演出門票，一下同前同事陳沛然食dinner，幾識享受喎​。

不過唔好唔記得，梁繼昌當日係因為跑到美國參與「美港交流會」，討論美國喺《香港人權與民主法案》下制裁香港嘅事，返來香港又大搖大擺開咗嘅記者會，最後被DQ。孭住呢啲黑歷史，希望梁繼昌之後乖乖做人，唔好再搞亂香港喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk