//又一個被DQ攬炒派區議員著草英國，去到之後又繼續搞港獨活動，真係死性不改!//

走吓一個，走吓又一個，又一個拒絶宣誓嘅攬炒派區議員著草。最新走佬嘅係葵青區區議員郭子健。佢噚日喺社交網站出PO，話到咗蘇格蘭，仲好感性咁話，抱歉不能同街訪一一道別，又話「在港所受的壓迫現在未能分享」。嘩!嘩!嘩!受壓迫但又唔講得，咁委屈?

係啦，仲以為佢咁委屈，點都要啲時間平復吓?咁又係嗰句，少年，你太年輕了!佢喺蘇格蘭，原來係會合一班「手足」參加全球公義氣候遊行，但遊行時又「光時」旗又港獨標語、仲有青天白日滿地紅旗同藏獨旗、甚至有象徵蘇格蘭獨立嘅旗，請問呢啲旗同氣候變化有乜關係呢? 

其實，都不得不佩服郭子健對英國嘅無限信任囉! 世衞啱啱上星期警告，話預計明年二月底之前，歐洲可能多五十萬人染疫死亡，英國近期日日3萬幾宗新增確診個案!見佢咁「勇武」闖英倫，唔少網民都話英國啱晒佢，仲叫郭子健千祈唔好返香港呀!

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk