//吳志森既然講到咁淒涼，點解當初要走呢？有咩內情呢？至於佢會唔會喺英國「食老本」諷刺英女王，我哋就拭目以待喇！//

走呀、走呀!近期唔少人離開香港移居外地，最新一個就輪到前港台《頭條新聞》主持吳志森，佢日前拍片自爆幾個月前已移居英國， 仲懶神祕咁唔講喺英國邊個城市落腳，但就大呻咩咩咩「淒涼」，「為乜到一把年紀要離鄉別井」，要去一個完全陌生嘅國家慢慢適應生活喎。

不過轉個頭，吳志森就牙斬斬話咩咩咩「能夠呼吸一口自由嘅空氣」喎。嘩嘩嘩，過往吳志森做《頭條新聞》嗰陣，成日扮「太后」揶揄政府、抹黑警方係威係勢嘅，唔知佢依家喺英國會唔會「食老本」，做返個諷刺時弊嘅節目，再扮鬼扮馬諷刺英女王，睇下英國係咪會唔追究佢?係咪真係咁自由呢？

片尾吳志森仲大派定心丸，叫大家放心，話自己「平安、無事」咁話，究竟吳志森係講反話，定係初嚟報到唔識嘢，其實英國歧視問題嚴重，仇恨案件，暴力事件不斷，好多人夜晚出街都要小心人身安全。呢啲又算唔算有自由呢?

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk