//區議員作為公職人員，王進洋將吸食大麻合法化當做政綱，公然​鼓吹違法，仲要屢勸不改，社會係應該予以強烈譴責！//

咩叫「歪理當真理」，睇吓離島區議員王進洋就知啦。是咁的，曾自爆曾吸食大麻嘅王進洋，繼早前聲稱「大麻並非毒品」之後，又頻頻出po支持大麻合法化。佢日前就收到該區區議會主席余漢坤嘅信件，指佢有關言論涉違區議員操守，提醒佢要謹言慎行。不過王進洋繼續死撐，仲話搲晒頭都諗唔明，咩咩咩「點解爭取大麻合法化係操守問題」喎。

嘩嘩嘩，係人都知喺香港吸食大麻係犯法。一經定罪，最高仲可被判處罰款100萬及監禁7年；而任何人植植大麻，最高亦可被判處罰款10萬及監禁15年。王進洋作為區議員，唔單止無以身作則，依家仲捩橫折曲，將違法嘅事當成所謂政綱，呢啲就係服務市民應有嘅態度？咁樣辜負公眾期待，令區議會信譽受損，唔通咁都無違反區議員操守咩？而且執法部門係咪都要更進呢？

嗱嗱嗱，其實余漢坤都只係善意提醒王進洋啫，不過佢竟然「好心當狗肺」，正所謂「知錯能改，善莫大焉」，但王進洋就屢勸不改，公然鼓吹違法、荼毒市民，呢啲區議員係咪多一個都嫌多呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk