//身為人父嘅張超雄，竟然覺得呢種極端暴力無問題？市民心水清，講歪理當真理已經唔work喇，張超雄唔好再害人！//

講歪理當食生菜不嬲都係泛民政客嘅生存法寶，今次又輪到工黨前立法會議員張超雄喇。七一當日50歲男子梁健輝喺銅鑼灣鬧市用刀刺向警員發起「孤狼式」恐襲，之後自插胸口身亡。咁極端嘅暴力襲擊，網上竟然有人鼓吹「孤狼」為「烈士」，仲叫人帶白花去悼念。包括政務司司長李家超、保安局局長鄧炳強及一哥蕭澤頤等，全部發聲譴責美化暴力行為，直斥散播歪理嘅人「係咪想下一代變成嗜血恐怖分子」。但身為人父嘅張超雄，竟然覺得呢種極端暴力無問題喎。

張超雄喺社交網站發帖文話，疑兇「梁健輝是一位有正當職業、沒有案底、沒有精神病、與家人同住、同事口中的好人。是誰令一個普通市民走上這絕路的？」，仲質問「一朵白菊花真的可以破壞國家安全嗎？」

哇哇哇，張超雄篇帖文隻字唔提疑兇梁健輝用刀刺傷警員嘅事實，唔提呢種行為對社會造成幾大破壞，更加唔提梁健輝曾經任職《蘋果日報》，喺佢屋企搵到大量反修例時期文宣剪報嘅事實。究竟係邊個令疑兇走上絕路？再加上獻白花嘅行為，本身就表達咗同情及認可「孤狼」恐襲，現場仲有家長帶埋小朋友去獻花𠻹，呢種價值觀好明顯係荼毒社會同後生仔喇！張超雄呢篇歪論貼出之後，評論即刻被網民洗版鬧爆。

網民：無端端用刀筒人一嘢，你又唔講？ 你係甚麼樣的社工呢？

網民：又唔見我哋呢啲正常人走上絕路？張超雄你仲想害幾多人？

網民：張超雄你唔好掩耳盜鈴啦，你有無見過有人會獻花比恐怖分子？……係美國支持殺警支持恐怖主義，FBI一早上門捉人啦！

嗱嗱嗱，市民嘅眼睛係雪亮。好心張超雄，你哋班泛民過去已經將香港搞到亂晒​籠，無數年輕人聽信歪理犯法後鋃鐺入獄，依家又想講為「孤狼」洗白，煽動對立，美化暴力？你哋已經冇晒市場喇！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk