生果報日前登咗篇名為〈港獨主張是香港民主的思想火種〉既所謂社論，個作者李怡話港獨同台獨主張一樣，都只係言論自由、係主張，唔係採取行動成立「香港國」或者「台灣國」，仲話睇勻中國歷史，國家喺「分裂」狀態嗰時，人民生活都較為安樂。

睇到呢度，相信唔少人都同我一樣「吓」咗出嚟。雖然我對歷史唔算好熟，但真係「R」爆頭都諗唔到，有邊度國家分裂人民既生活係好架喎！唔好講遠啦，講近啲，晚清中國被列強瓜分、後來軍閥割據、兩次復辟、國共內戰，百姓家破人亡，生活全部苦不堪言架喎！

李先生為咗推銷「港獨」，竟然咁樣捩橫折曲，真係搞到人「O」晒嘴！香港追求民主自由啫，無話要脫離國家獨立喎，一國兩制、高度自治，容許港人自主，但係無否定統一喎，更無話要分裂國家！老老實實，就算點唔鍾意個政府同政權，都冇理由想自己國家分裂架？咁歪既歪理竟然出自一個知識份子、一代健筆既口，我真係接受唔到囉！