民進黨政治凌駕公義?
民進黨政治凌駕公義?

「台灣殺人案」死者潘曉穎嘅媽媽,今日去到政府總部外開記者會,埋怨疑犯陳同佳、保安局局長鄧炳強等冇「應邀」當面對質。正如囍雨尋日所講,潘媽媽一直都搞錯焦點,將矛頭指向香港保安局、政界人士,根本就唔對焦。囍雨明白,潘媽媽都係受害者,想為個女討回公道好正常,但都要搵啱對象先得。事實係,只要民進黨政府繼續玩政治,拒絕陳同佳入境,件事就永遠解決唔到。仲有,今日有傳媒爆料,原來陳同佳嘅台灣代表律師,去年曾7次打電話畀台灣陸委會嘅所謂「單一窗口」,交代陳同佳投案冀自首意向,點知對方竟然叫佢「不要再打來」。如果民進黨政府真係好似之前咁講,做「每件事都是伸張司法正義」,又點會係呢種態度?


被揭講大話 民進黨的政治操弄


如果大家有留意嘅話,台灣當局過去其實一直對外否認與陳同佳有接洽「單一窗口」。但係,今日嘅報道已經證明,根本佢哋就係講大話!據報陳同佳嘅台灣律師,去年10月向所謂嘅「單一窗口」,即係台灣刑事警察局鄭富禛股長聯繫,講明陳同佳盡快赴台自首,雙方甚至傾到申辦簽證、搭飛機等問題,但點知當晚鄭股長就話收到「長官指示」,關於陳同佳投案問題,必須由港、台政府先商議好,又叫當事人唔使再打電話同刑事局窗口聯繫。呢啲都係民進黨政府,操弄政治、刻意阻撓,令案件無法落幕嘅證據。


台灣關上大門 港府無計可施


成件事其實好簡單,令陳同佳無辦法自首,「關上大門」同「掌握鑰匙」嘅一直都喺台灣,只要台方消極處理,香港當局都無辦法。因為陳同佳喺香港法律上,已經係「自由人」,佢想做咩都得,而且無案在身,執法部門無權拘捕佢,更加無可能強行押送佢去台灣。依家陳同佳有意投案,台灣又唔畀,到底係咪政治仲緊要過公義?民進黨嘅政客們,你哋見到潘媽媽咁可憐,就連一絲人性、憐憫之心都無?


台灣當局過去多次提出,要透過「司法互助請求」方式解決,但港、台之間從來都建立任何正式的官方交往,港府實在無辦法亦不能配合。民進黨政府咁堅持建立「政府對政府」嘅司法互助,無非都係想港府變相承認台灣有「主權」地位,有晒政治目的。更何況,兇案發生喺台灣,所有嘅物證、驗屍結果等,都掌握晒喺台灣執法部門手上,其實夠晒證據檢控,而且嫌疑犯陳同佳都講明想投案自首。所謂嘅「司法互助」根本就無必要,只係玩緊政治手段。


囍雨見到,台灣「法務部」今日發新聞稿回應,話對潘媽媽想將疑犯繩之於法嘅悲痛心情「感同身受」。囍雨只想講一句,唔好再「貓哭老鼠」,所有問題都係因民進黨政府而起,與其假惺惺扮慰問,不如盡快畀陳同佳過台灣自首好過啦!


原圖:星島日後


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
好正
3
心心眼
4
好好笑
2
令人傷心
6
嬲爆

評論

  • acp4711@yahoo.com.hk
    acp4711@yahoo.com.hk
    2年前
    0 回應 檢舉
    Good
    • 龙的傳人
      龙的傳人
      2年前
      0 回應 檢舉
      佳仔快去死吧
      • +85298****49
        +85298****49
        2年前
        0 回應 檢舉
        Excellent

        沒有更多評論

        沒有更多評論