「孤狼」的背景
「孤狼」的背景

日前,喺銅鑼灣出現欲殺害警察嘅「孤狼」,用刀插傷警員後自盡。事後,原來社會唔係齊聲譴責「孤狼」,而係竟然有人美化佢、有人歌頌佢甚至有人帶埋子女去「悼念」佢,呢個現象,反映咗一樣嘢,就係香港「有病」!正當大家喺度諗點解會出現中年「孤狼」嘅時候,原來當中有個關鍵機構,就係《生果報》;到底係咪《生果報》令人成魔,值得深究,但囍雨至少可以肯定一點,就係涉事「孤狼」同《生果報》「關係密切」。


曾在《生果報》工作 愛收集相關剪報


據傳媒報道,涉案姓梁嘅男子喺13年前喺《生果報》兼職,當時任職資料搜集員,有指佢嘅職員證至今仍被佢保留。2016年,梁加入咗維他奶公司,出事前為採購主任,喺屯門區返工;有指佢為人文靜,少談政治,習慣獨處,暫時未顯示刺警案有其他疑犯及共犯。


特別值得留意嘅係,警方日前到涉案者嘅居所搜證,發現上址有大量與反修例運動相關嘅報章剪報,包括大量《生果報》剪報或內容,涉案者甚至將剪報製成私人筆記,喺佢電腦亦發現唔少相關資料。喺《生果報》工作過、至今保留職員證,而且「收藏」大量《生果報》剪報,涉案者係咪被《生果報》所激化?


當然,囍雨唔可以「下定論」,話涉案者肯定係完全受《生果報》所荼毒,但從其過往工作以至家中「收藏」,話佢無俾《生果報》嘅報道或評論影響到,都好難令人置信。原來,我哋成日講年輕人被荼毒、變得激進化,原來激進化嘅,仲可以包括中年人士,囍雨十分懷疑,到底香港仲有幾多潛在嘅「孤狼」,隨時準備犯案?


防範「孤狼」 市民有責


更令人憂慮嘅係,依家社會有人刻意美化、英雄化兇徒,會唔會令情況更壞?老實講,當「孤狼式」恐襲來臨,警方有職責執法,市民則須提高守法意識,即係話,其實市民都有必要防範「孤狼」來襲,如果選擇美化兇徒,更多人走出嚟「行兇」,肯定受害者輸、施襲者輸、社會都輸!


意圖謀殺,係極為嚴重嘅罪行,為己為人,勿模仿,否則隨時犯法,兼禍及他人。至於喺旁邊「煽風點火」嘅人,囍雨亦必須講句,如果涉及煽動,都可能犯法,唔好以為做「口痕友」無代價! 


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

19
好正
0
心心眼
0
好好笑
0
令人傷心
8
嬲爆

評論

  • shuyicai58@gmail.com
    shuyicai58@gmail.com
    2年前
    0 回應 檢舉
    处决浙江轮姦犯刘少shao 4奇

    沒有更多評論

    沒有更多評論