夏博義 你還在嗎?
夏博義 你還在嗎?

最近,一連串嘅司法案件,引起咗廣男極大嘅興趣,包括「爆眼女」上訴挑戰警方,以至係法輪功用公帑挑戰政府嘅案件,不過,最令廣男感興趣嘅,並唔係呢啲案件本身,而係以上案件,都係夏博義代表啲「反政府人士」去挑戰政府,廣男好奇,夏博義喺呢啲案件,到底賺咗幾多律師費?夏博義作為大律師公會主席,唔知又願唔願意開誠布公呢?


屢次代表法輪功?


有社會人士近日爆料,原來經常替反對派人士打官司嘅夏博義,喺過去十幾廿年,最少五、六次代表法輪功司法挑戰政府,當中有包括拒絕某啲人士入境嘅案件,據報興訟對象甚至連前國家領導人都有。對於呢啲由夏博義代表嘅官司,廣男首先想問當中有幾多單官司係得到法援資助嘅呢?用咗幾多公帑去支付夏博義嘅律師費?


據報,網媒《港人講地》已經就事件向夏博義提出查詢,但到截稿前認為「無回覆」,夏博義作為大律師公會主席,公眾想知道佢為法輪功打過幾多次官司,以至當中取得法援案件嘅律師費,實在好合理;至於法援署,如果涉及私隱嘅案件內容佢哋唔可以披露,但關於法援署資助法輪功嘅案件有幾多宗,當中用咗幾多公帑去支付律師費甚至堂費等,廣男覺得法援署應該向公眾交代。


公帑運用得宜嗎?


不論係「爆眼女」嘅案件,定係法輪功用法援挑戰政府嘅案件,廣男有啲問題實在唔明白,例如有啲案件(「爆眼女」)擺明就係不合理地挑戰政府,點解會得到法援資助呢?如果話「爆眼女」等係經程序包括上訴程序所以得到資助,咁係咪反映程序或機制有問題?至於「咁多案件」都係由夏博義去代表,反映咗法援資助人打官司,但容許人選擇較貴、較出名嘅大律師,咁樣嘅公帑運用又是否得宜呢?凡此種種,似乎都指向一個事實,就係法援制度應該與時並進,唔應該成為反對派「鑽空子」不合理挑戰政府嘅工具。


夏博義之前俾人話佢係「反華政客」,佢極力否認,廣男喺度諗,一個被指為「反華政客」嘅大狀,專門接反對派「生意」甚至用法援「打返」政府;不論贏輸,夏博義都「有錢收」,邊度「有得輸」呀?


原圖:rthk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

11
好正
1
心心眼
4
好好笑
1
令人傷心
8
嬲爆

評論

  • shuyicai58@gmail.com
    shuyicai58@gmail.com
    3月前
    0 回應
    已婚非处女王云章堕胎25次流产25次补处女膜179次。

    沒有更多評論

    沒有更多評論