《生果報》屈得就屈 終須道歉
《生果報》屈得就屈 終須道歉

《生果報》嘅「老屈」作風,相信大家都睇過唔少,佢哋其中一個最令人不齒嘅地方,在於佢哋「屈」完人,往往仲擺出一副「愛理不理」嘅樣子;最新例子,就係佢哋今年2月5日刊出一則報道,當中錯誤引述一間名為Graphika嘅美國機構報告,指控《港人講地》喺疫情下散播不實資訊,多個境內外媒體亦有類似報道,《港人講地》曾兩度公開發表聲明,澄清有關失實內容,並透過代表律師多次去信《生果報》。事隔逾一個多月,《生果報》終於刪除有關失實報道,並喺本月17日刊出道歉啟事,就事件公開致歉。《生果報》嘅道歉啟事,囍雨先喺度同大家「分享」下:


「本報2月5日有關《美指趙立堅及多位中共駐外大使系統性轉發假消息 揭港人講地 新民黨員有份》報道中,錯誤引述美國社交媒體研究公司Graphika指,網媒『港人講地』散播失實資訊。本報查證後,確認報告中沒有指明「港人講地」散播失實資訊。就有關錯誤報道引起的不便及誤會,《蘋果》謹此致歉。」


對於《生果報》屈完人隔咁耐先道歉,囍雨首先想講,《港人講地》可以話係攞返個公道,但《生果報》篇失實報道喺網上流傳咗咁耐,其實已經造成一定傷害,所以就算已經道歉,《生果報》依然應被譴責。有一個令囍雨非常嬲嘅地方係,囍雨都睇過Graphika嘅相關報告,不論係由頭到尾睇一次,定係利用關鍵字搜尋嘅方式去睇個報告,根本個報告從頭到尾都無講過《港人講地》有份散播不實資訊,《生果報》嘅失實指控,如果係憑空捏造,咁就唔係誤解咗報告咁簡單,而係似做「假新聞」!


勿因政治立場 忘卻新聞道德


呢件事所反映嘅,仲有《生果報》嚴重缺乏新聞道德。囍雨雖然身邊有唔少做傳媒嘅朋友,有時亦會接觸到新聞界嘅前輩,前輩們同囍雨分享做新聞嘅心得時,好多時第一樣嘢講嘅,就係新聞人處理任何資料或撰稿前,要做好求證工夫,如果聽到啲嘢、睇到啲表面嘢就「即刻去馬」,咁樣好容易「出事」;雖然依家做新聞講求速度,但如果求證工夫做唔好,最終賠上嘅就係媒體嘅公信力。


囍雨喺度諗,《生果報》嘅記者、編輯等理應有一定嘅新聞工夫,今次之所以「老屈」《港人講地》,根本原因可能係佢哋一心「搵位入」《港人講地》,所以連基本資料係點都無理會到;部分媒體有政治立場,囍雨都理解,但如果因為政治立場而連新聞道德都捨棄,唔知《生果報》會唔會有一日連支持者都捨棄佢哋?希望《生果報》下次「指控」人果時,唔好再「亂咁嚟」!


原圖:《蘋果日報》網站截圖


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

25
好正
9
心心眼
5
好好笑
1
令人傷心
1
嬲爆

評論

  • Happy21
    Happy21
    2年前
    0 回應 檢舉
    :grin:
    • Happy21
      Happy21
      2年前
      0 回應 檢舉
      • Happy21
        Happy21
        2年前
        0 回應 檢舉
        :+1:

        沒有更多評論

        沒有更多評論