如果大家以前有睇啲功夫片、劇情片，有時會睇到喺民初年代，一啲喺中國嘅「外國人會所」門外會掛上「華人與狗，不得入內」嘅標語，估唔到類似嘅侮辱字句，會出現喺今日香港，仲要係喺區議員辦事處門口，掛出標語嘅人，就係盲反派深水埗區議員李文浩，佢同劉家衡嘅聯合辦事處門口有張告示，上面印有李文浩議員辦事處字眼，並大大隻字寫上「本辦事處不為任何藍絲提供服務 藍絲與狗不得內進」告示，受到各方猛烈批評。囍雨實在要問下李文浩甚至劉家衡，呢啲告示除咗侮辱政見唔同嘅居民，係咪連動物都想侮辱同歧視埋？！
侮辱居民 選擇服務 涉嫌違法
作為區議員，服務對象應該係區內「所有居民」，依家李文浩（以至劉家衡）收取公帑，但侮辱兼「拒絕」服務政見唔同嘅居民（藍絲），即係揀市民嚟服務？咁即係受資助但又唔做應該做嘅事？當中有冇違反咩法例？有分析就指出，李文浩可能已經觸犯咗《公職人員行為失當罪》，因為相關條例寫明，如果公職人員藉作為或不作為而故意作出「不當行為」，即屬違法；簡單嚟講，即係故意忽略或不履行其職責，依家李文浩貼出標語表示唔服務持有某政治立場嘅居民，確實有一定罪嫌，囍雨覺得執法部門真係要查清查楚！
另一個問題，就係作為區議員、公職人員同社區服務者，唔竭力服務所有街坊，仲要出埋啲咁嘅標語去侮辱同歧視政見唔同嘅居民，道德操守極度有問題；李文浩又夠唔夠膽講，有關標語無侮辱同歧視成分？相關標語仲要連動物都侮辱，社區有呢啲咁無品德嘅區議員，實在係區內居民嘅不幸！
其實無論係李文浩抑或劉家衡，除咗喺辦事處張貼辱人告示外，佢哋一直都利用區議員嘅資源同公權力，不斷喺社區發放誣衊警方、製造仇恨嘅訊息，一時稱「警暴」，一時意指警察「整死人」甚至「強姦」等等；有盲反派議員利用公職人員身份散播假消息，係咪都應該一併處理呢？
李文浩必須公開道歉
據傳媒報道，李文浩受訪時證實有關告示真確，仲話自己受到騷擾甚至恐嚇，囍雨反對任何形式嘅恐嚇，但李文浩係咪應該就不當行為向公眾道歉呢？《港人講地》今日就有記者專程到佢辦事處問佢哋有咩回應，點知李文浩仲擺出一副「我無做錯」嘅姿態，承認標語係佢寫嘅，但就聲稱「標語」係選舉承諾，仲話「藍絲係一件物品」，「狗亦都不是人」。夠膽做唔夠膽認，仲要講歪理去辯解，根本就係「又要威，又要戴頭盔」嘅政棍！
原圖：港人講地圖片
請Follow我們的YouTube頻道：
下載我們的手機應用程式，收看第一手精彩內容：
評論