浸大學生會會長劉子頎等「佔領」浸大語文中心並以粗言辱罵老師，且近日更流出當日的衝擊鏡頭，引起全城嘩然。喜劇導演李力持在Facebook專頁亦忍不住留言嘲笑此等學生「建議額頭紋個『癈』字！型呀！」 以下為李力持帖文全文： 「恭喜香港浸會大學同學！您們今次行動相當成功！呢條片會跟你一世！ 對於生於亂世文盲遍地完全淪陷嘅香港，我完全認同你地嘅語文水平，希望你地能夠團結起來，壯大本土文盲癈青力量，我相信不久將來由你地帶領下，香港好快一出世就有樓有車唔使做有錢收，唔讀書都可以有大學學位，遍地黄金，當然一定有真普選，等你做特首呀！同學下次粗口再練流D.......建議額頭紋個『癈』字！型呀！」 原圖：大公網圖片 浸大圖片​​