民主黨主席胡志偉昨日拋出的「特赦佔中」謬論雖然已經收回，但可謂一石激起千層浪，香港中小型律師行協會創會會長、律師陳曼琪接受《港人講地》訪問時表示，如果今天以政治理由去特赦一些佔中違法人士，那即是香港法治在「開倒車」,回到像佔中時期般，即是能夠以呢個政治目的去違法，「我覺得係非常損害法治」。

陳曼琪表示：「我地好辛苦等到法官一個清晰嘅訊息，就係違法就要付代價，任何政治言行都必須立於法律的框架，但調轉，如果依加新的政府又以政治理由去令到一啲人士違法都不需負刑責的話，咁我相信過去兩年幾的沉重經歷，一種慢慢回復法治軌度的經歷,是會枉費了這兩年幾時間。」

陳曼琪又指出：「佢(胡志偉)係知自己嘅違法，作為一個自首嘅議員，提出提赦自己，聽起上嚟係非常之唔舒服。」她認為這對於香港的法治制度法治精神是一種損害，「你係立法會議員，立法後又違法，又用立法會議員身份去提出特赦，而自己又係當事人。我相信呢一個利益衝突、扭曲法治嘅政治做法係唔可以接受。」