香港進入潮濕季節，時晴時雨，當你以為陽光普照唔駛帶遮出門口嘅時候，轉個頭就落大雨，真係不禁要問「唔通連個天都唔鐘意我？」，不過，成日帶住把遮出街真係唔方便，尤其帶把長傘，踎低起身都唔知將佢放邊好。有設計師就利用軟金屬同防滑膠料，設計出一款可以任意扭曲嘅遮柄，令雨傘手柄可以拉直扭曲方便擺放，無論勾住背囊、掛喺枱面或者倚著牆面都非常穩陣。

呢款遮柄不但對人嘅生活帶來方便，更獲得有設計奧斯卡之稱嘅2013紅點設計概念獎。唔知有咗呢個手柄，會唔會令你冇咁討厭帶遮呢？

原圖：feeldesain.com