這天坐上的士，司機竟罕有地問我政見，當中對話，讓我發現，香港人原來真的很易騙……

「你對警察打學生怎樣看？」司機問。

「當學生和平表達意見時，他們就是學生；但當學生衝擊警察破壞社會秩序的時候，他們就是暴徒。」我答。

「其實掟磚的都不是學生，是大陸國安派來搗亂的。」

「你在現場？」

「係人都知啦，都唔係秘密，呢啲係共產黨嘅手法。」

「證據？」

「國安喎，怎會畀你捉到證據？聽講那些速龍隊都是解放軍扮的，所以膊頭冇編號，唔係邊有咁犀利……」

「話你知，其實一哥都係習近平易容扮的。」

「咁又太誇張，不過香港真係好多國安㗎，我成日載到講國語嘅客。」

「那些可能是遊客？可能是新移民？」

「亦可能是國安。」

「咁你有冇載過鬼佬？」

「當然有。」

「點解你唔會覺得講英文嘅係外國特務，卻認為講普通話嘅就係國安？」

「個樣似。」

「通常國安係咩樣？」

「國安咁嘅樣。」

「特徵呢？」

「講普通話。」

實在忍不住，噗一聲笑了出來，然後用翹舌京片子跟他說了句「我就是國安，但我會講流利粵語。」車內對話，立即中止，原來對付腦殘，不必大條道理，用腦殘的方法就解決了。

原文轉載自《頭條日報》 2019年6月20日

原圖：網絡