//鄺俊宇若果以為自己有得留低，就真係太天真嘞//

最後一批宣誓嘅新界西區議員，68人喺今個月8號完成宣誓，政府今日宣布，當中有16人被裁定宣誓無效被DQ，須要即時離任，當中包括元朗區議員黃偉賢、屯門區議員曾錦榮同離島區議員王進洋等，當然唔少得涉及民主派「35+」初選案嘅前立法會議員、元朗區議員鄺俊宇啦～

哪哪哪～喺2019年反修例暴亂期間，當時身為雙料議員嘅鄺俊宇，時不時出現喺示威現場上演「個人騷」，一度因涉行為不檢被拘捕，仲有佢涉及參與「35+」初選，依家仍然保釋候查㗎。自從佢辭咗立法會議員職位，每個月少咗成十萬銀收入，佢就轉做Youtuber，正正經經大講民生議題同提供長者實用資訊咁，唔知係咪都擔心再講政治，可能連區議員議席都無埋，每個月再少3萬幾蚊收入呢?

不過，鄺俊宇你唔係咁天真啩，今次鄺神變凡人，你唔係以為扮吓乖就可以蒙混過骨，可以繼續做區議員？結果當然係被DQ喇～前前後後，一個月少咗十幾萬收入~唔知仲有冇能力供佢果層千萬豪宅呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk