//口講「拯救香港」，實際上就喺美國四處招搖，同走佬嘅賣國者們吃喝玩樂，不知道幾happy，喺香港獄中嘅手足點諗啊？//

玩弄「語言偽術」邊個最專業？著草海外嘅賣國者認第二，冇人敢認第一囉。是咁的，早前學聯前秘書長周永康，同前年七一衝擊立法會後，走佬海外嘅國安法通緝犯梁繼平兩個人，接任海外亂港組織「香港民主委員會」（HKDC）嘅新領導層，分別任董事會主席及執行總監。兩個人一上位就接受傳媒訪問，係咁sale佢哋嘅「美國戰線」行動理念，更話目標清晰，誓要「拯救香港」𠻹！吹到咁巴閉，仔細聽吓佢哋點樣拯救先。

梁繼平話，擔任HKDC執行總監嘅原因，係見到香港人仍未放棄抗爭，講起鄒幸彤喺香港「身陷牢獄」更加一度哽咽。周永康就話，一度認真考慮返香港同戰友並肩，但掙扎之後都決定留守「國際線」喎。哇哇哇，既然要拯救香港，又同情獄中手足，但係都唔肯返來同佢哋齊上齊落，咁點拯救啊？靠把口咩？咪超人上身啦！

周永康同梁繼平透露，目前都喺美國「深造」，梁繼平更加已經進入政治庇護申請，而周永康就未申請政治庇護。兩個人借著「打國際線」嘅旗號喺美國四處招搖，得閒又可以同一眾著草嘅手足聚餐，唔知幾happy。至於「拯救香港」？算罷啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk