//正所謂「唔見棺材唔流眼淚」，教協過去做過啲咩心知肚明喇。今時今日先揦手唔成勢咁認衰補鑊，係咪太遲喇？//

呢一排香港最忙嘅係邊個？奧運運動員？打疫苗嘅工作人員？NONONO，答案係馮偉華、葉建源呢班教協高層！自從內地兩大官媒轟教協係毒瘤要剷除，教育局又終止同教協工作關係，教協班負責人就瞬間化身「工作狂」，係短時間內完成以前幾十年都做唔到嘅事，同小夥伴割席喇、成立新工作組喇、改建書店喇、仲要快快手刪除之前發布嘅文章相片。真係要幫佢哋頒一個「最勤力工作獎」。

喺早前終止參與民陣工作同退出支聯會後，教協又喺短短兩日內，分別退出職工盟同國際教育組織，更加刪除網站上同國際教育組織相關嘅文章同會面合照。教協最新表示，將之前製作嘅教材從網站下架，更加貼圖為證，證明位於旺角會址，曾經公然售賣黑暴書籍嘅書店已經打爛重裝，之後將改為會員服務櫃檯及職員辦事處。仲要成立一個「中國歷史文化工作組」，又話正籌備中國歷史及文化書目，之後會喺教協會所發售喎​。嘩嘩嘩，教協成立咗48年，香港回歸咗24年，今日先醒起培養師生認識國家？教協做咩突然變乖？你明嘅。

正所謂「唔見棺材唔流眼淚」，教協過去自己做過啲咩心知肚明喇。今時今日先揦手唔成勢咁認衰補鑊，係咪太遲喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk