【笑聞一分鐘】卿姐鬧情人節開會無人情 唔拉布咪一天光哂囉!

又講拉布實在好悶,但今次有爆笑位囉,而個笑點居然勁爆冷,係卿姐呀!哈哈哈!王國興好野,點都要「點讚」下你,你講得啱呀,家陣做咩鬼事要加開會議姐,阿卿姐,莫非你唔明咩,如果唔係你啲泛民好朋友大嚿慢必要拉布,你情人節又點駛開工呀?無人情嗰個擺明就係攪拉布嘅議員啦,如果唔係,咁多人支持嘅創科局,撥款早就過啦,仲洗乜開OT,你估唔駛用多左納稅人嘅錢呀?

阿卿姐呢番言論有無道理囉喎,睇下啲網民鬧爆佢就知啦!「始作俑者,賊喊捉賊,卑鄙無恥!」「情人節唔開得會,咁國慶又可以遊行?」「你咁有人情就叫人唔好拉布啦」講開又講,中策組做左個民調,問左八百個18歲以上嘅市民,超過六成都反對拉布,再加上而家卿姐咁想情人節放假啦,大嚿慢必,聽到未呀?快啲停止拉布通過撥款啦!

評論