施政報告講優化「補充勞工計劃」，點優化先？原來係而家可以畀啲承辦商，一次過申請手頭上幾個工務工程項目需要輸入幾多個外勞，唔駛好似以前咁，逐個逐個項目申請外勞，外勞來到香港亦可以輪流喺工務工程做嘢。

要注意呀，剩係「工務工程」先得咋，即係房委會、港鐵、政府嘅工程等先可以咁做，點解？事關呢啲項目同市民息息相關，建築工人唔夠，影響工程進度，咪即係影響市民囉；另一角度嚟睇，新措施亦擺明唔係益發展商囉！