中學生呢排唔係忙讀書而係忙去搞罷課，公民抗命嘛。邊個教？咪「學民」囉！真係激到啲做阿爸阿媽嘅頂唔順「要爆喇！」

今朝就有個家長打去電台，話阿女啱啱升中一，根本唔識政治，叫學民畀個機會啲學生讀下書好唔好。又有個阿爸話，細個時搞過學生會，知啲學生最易俾人「大」到，寸吓佢「死肥仔唔夠膽呀？」，就會跟人一齊癲架喇，所以話煽動學生呢啲行為幾咁危險呢！

都係嗰句啦，搞還搞，唔好搞細路吖嘛！學聖公會管浩鳴話齋，學校唔係政治角力嘅地方，學生揀讀書絕對應該支持同鼓勵，唔知頭唔知路或者受咗壓力跟人去罷課，值唔值得先？「攝」高枕頭諗清楚啦！