【笑聞一分鐘】李卓人袋住獻金九個月 「踢爆」先交數被狂揼

大拿拿五十萬元,自己袋住九個月?嘩,好SO喎!邊個咁樣做呀?登登登登,就係工黨立法會議員李卓人啦!佢承認一共代工黨收咗壹傳媒肥老闆一百五十萬,話就話「代收」,但原來一直冇過落去個黨既戶口;去咗邊?咪就係KEEP喺自己個袋度囉,直到「獻金風暴」畀人踢爆,阿人先至過返落個黨既戶口咋!
 
畀人「踢爆」先交數? 九個月咁長時間喎,乜今次咁「唔小心」呀?雖然筆錢過返晒比工黨啫,但從政多年、一直要求政敵要比「白紙更白」既李卓人,做咩又唔申報、又自己袋住巨款、又喺立法會幫肥老闆講野,咁鬼多巧合既?
 
有網民就質疑,「係唔係唔爆出嚟就唔使嘔番出來先?」又有網民就諷刺話:「我喺超市攞咗一大車物品,出到門日嗰經理話未俾錢,我話一時疏忽番轉頭俾錢,唔知算唔算高買呢?」仲有網民反問:「如果冇問題,又點解要近日又過番比黨呢?應該一直KEEP住吖嘛」。
 
網民的憤怒,完全收到哂。講到底,都係立法會既申報機制唔完善先搞到班議員咁猖狂。好似公民黨梁家傑咁,拎返啲存款紀錄出嚟就得架喇,唔申報?使乜驚呀?講「代收」咩都搞得掂。查實今次民意真係好清晰,好多人都唔滿意啲議員收錢唔申報!議員們,請你們順應民意,快啲收緊「以個人名義收錢」既規定啦!

評論