【笑聞一分鐘】拒見張曉明樂見吳若蘭 外國月亮更加圓?

泛民五個議員,早幾日去咗同英國駐港總領事吳若蘭食早餐,據聞吳領事會面期間「過招」畀泛民,叫佢哋關注提名委員會既組成方法好過,有人就分析,今次係英國向泛民教路,叫佢哋玩盡《基本法》條文,唔好死拎住「公民提名」唔放。

查實唔知大家記唔記得,喺政改諮詢之初,多位內地同本地既法律專家已經提醒,叫社會唔好再花時間喺啲旁枝末節上面,反而應該研究點樣提高提名委員會既民主成份同組織方式。咦,點解同吳若蘭講既咁似既?

呢班咁既泛民,人哋中聯辦約你,你就耍手擰頭,怕畀激進派追擊喎。咁驚追擊,有機會都唔敢同中央傾,香港人點旨意你爭普選呀?相反英國一約,成班就嗱嗱聲仆去,但傾既嘢咪又係喺政改諮詢前後已經傾過晒!唔通真係外國月亮圓啲、英領事講同一句話都好聽啲?

評論