咎由自取的攬炒派政客
咎由自取的攬炒派政客

「善惡到頭終有報,只爭來早與來遲」,做壞事嘅人遲早都要承擔惡果。囍雨見到,因缺席宣誓被DQ嘅前深水埗區區議員李文浩,近日宣布已經走咗過英國,仲話之前「多咗人跟蹤佢」,所以唔走就太遲。李文浩要走,肯定會搵藉口講到有幾「危急」,事實係咪咁,佢自己心知肚明啦!查實,李文浩做過咁多衰嘢,又曾經喺議員辦事處門口貼「藍絲與狗不得內」告示,又話「國際間中國人三隻字嘅聲譽等同過街老鼠」,公然辱華;早前水警高級督察林婉儀不幸殉職,佢又極度冷血咁發帖文抽水幸災樂禍,擺到明就係驚遲早比人拉,襯仲有機會就著草走人先。依家搞到要離鄉別井,都係自己攞嚟嘅!


轉行做紮鐵、飲食業


英國依家疫情仲係咁嚴重,經濟又麻麻,再加上種族歧視問題嚴重,李文浩咪過去「好好享受」吓囉。而除咗已經走佬嘅李文浩,其他留喺香港嘅「同路人」,似乎都唔係撈得唔係幾掂,例如,前油尖旺區議員林兆彬,辭職唔做區議員之後,轉搞零售生意賣日常用品,結果營運咗三個月就要執笠。唔知林兆彬係咪打錯算盤,好天真咁以為攬炒派「手足」同「黃色經濟圈」會繼續撐佢呢?依家事與願違,又有咩感想?


仲有,前大埔區區議員文念志,之前因「非法集結罪」判囚3個月,最近刑滿出獄,就重操故業做返紮鐵工人;而宣誓唔過關、被DQ嘅離島區前區議員王進洋,就轉為做餐飲業,據說人工要以日薪計,睇嚟份工都唔係太穩定。囍雨唔係話做建造、飲食業有問題,正所謂行行出狀元,一樣有可以有發展機會,但係依家佢哋要轉行搵食,工作性質同區議員完全唔同,就真係幾大落差囉。


有今日下場屬咎由自取


講到底,李文浩等人有今日嘅下場,歸根究柢都係自己一手造成。呢班攬炒派區議員,當日不務正業,掛住喺區議會搞政治,將民生都放埋一邊,仲要愈做愈過火,公然支持反修例暴亂,甚至落手落腳參與違法示威,完全背棄同辜負晒選民嘅期望。本身攬炒派可以入到區議會呢個建制架構,就已經係錯誤,而佢哋仲要執迷不悟、一錯再錯,咁當然會被人DQ,失去做民意代表嘅機會,甚至要著草去外國,完全係咎由自取。


囍雨真心希望,將來想參選區議會嘅非建制派,真係要以李文浩等人為戒,唔好再重蹈佢哋嘅覆轍。要知道自己嘅職責、定位同立場,全力為街坊服務,聚焦民生議題;咁當然,仲必須要做到效忠香港特區、擁護《基本法》嘅基本要求,如果唔係,就算他日可以僥倖入閘勝選,在任期間一樣有機會比人DQ!


原圖:李文浩社交網站專頁


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

14
好正
0
心心眼
6
好好笑
1
令人傷心
1
嬲爆

評論

  • hnwong2013@gmail.com
    hnwong2013@gmail.com
    2年前
    0 回應 檢舉
    做紮鐵咪啱佢地囉,以前紮開嘢堵路架嘛!仲有咩好做?
    • +85298****49
      +85298****49
      2年前
      0 回應 檢舉
      Excellent
      • acp4711@yahoo.com.hk
        acp4711@yahoo.com.hk
        2年前
        0 回應 檢舉
        good

        沒有更多評論

        沒有更多評論