是齊上齊落 還是各有各撐?
是齊上齊落 還是各有各撐?

最近,有兩單新聞非常值得注意,第一單係職工盟收到吳敏兒通知,吳敏兒決定辭去職工盟主席一職,只保留一般執委成員身份;另一單係有外媒指港府正調查民間人權陣線(民陣)有冇獲得外國資助,有成員團體好似「驚驚」,其中街坊工友服務處(街工)就迅速劃清界線,表明未來唔會再參與民陣工作同會議。反對派嘅團結、齊心以至士氣可以話已經散晒,齊上齊落?大難臨頭,各有各撐咋!

 

最緊要「走得快」?

 

如果大家有留意近排關於反對派嘅新聞,會發現吳敏兒「辭主席」唔算快,街工「割席」亦唔出奇,例如公民黨當中,最近就有楊岳橋、譚文豪、郭家麒及李予信宣布退黨;西貢區議員柯耀林宣布退出所有政治聯繫及組織;前民間集會團隊發言人劉頴匡就宣布解散組織。驟眼睇,反對派政客好似鬥「走得快」,同組織「割席」咁,但咁樣係咪有用呢?

 

首先,廣男必須講句,廣男唔肯定反對派政客「割席」同所涉罪行有冇關係,但如果有關,咁做真係「無乜用」;因為佢哋所涉罪行係涉及已經「作出嘅行為」,倘若佢哋係有罪,退黨、退出組織甚至以後退出政壇都無用。如果係怕有罪責,最好嘅方法,就係當初唔好諗住「攬炒」香港,繼而組織或參與咩「攬炒」行動。

 

齊上齊落是「口號」

 

不斷再發生反對派「割席」事件,再次反映出反對派喺反修例運動提出嘅「齊上齊落」等政治口號,真係只係「口水」及「口號」,無事嘅時候,個個都扮勇猛,一有事,就縮都縮唔切,廣男請反對派以後唔好再講咩「公民抗命,無畏無懼」,第一佢哋唔配,第二唔主動承擔罪責,又算係咩「公民抗命」呢?又或者,如果怕要承擔後果,咁當初要「攬炒」、「鍊爆」香港果時,係咪完全無諗過後果?

 

革命,從來都係一件賭身家性命嘅事情;但反對派嘅「革命」,似乎由始至終都係賭「口水」及「齋噏」,而且係想一邊做議員攞政府薪津而「賭」。喺一個不可能改變香港狀況嘅情況下,反對派當然一敗塗地。既然輸咗,就要「找數」,廣男覺得反對派政客以至媒體與其不斷喺度製造「感人」故事,不如坦誠地面對審訊。最後,上文所述嘅民陣,據報好似唔係註冊社團,甚至連註冊公司都唔係,係咪真?當中有冇古怪?警方係咪要深入調查下民陣?唔同事情越揭越多,真係多多「花生」都唔夠!


原圖:rthk


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

56
好正
7
心心眼
33
好好笑
16
令人傷心
22
嬲爆

評論

  • +85252****88
    +85252****88
    1年前
    0 回應
    :no_mouth:
    • +85262****67
      +85262****67
      1年前
      0 回應
      終於知驚呢咩:joy::joy::joy:
      • +85262****67
        +85262****67
        1年前
        1 回應
        終於知驚呢:joy:走得快好世界:joy:

        沒有更多評論

        沒有更多評論