喺戰場上，將領總係需要勇士為佢哋衝鋒陷陣，就算「一將功成萬骨枯」，最緊要就係「打勝仗」；在政治舞台上，政客亦需要後生仔為佢哋去「衝」，然後挾持青年力量達到政治目的。繼《生果報》老闆黎智英同前政務司司長陳方安生之後，盲反派嘅元老級人馬、資深大律師李柱銘亦開聲呼籲，叫人「一定要」投票；睇李柱銘嘅呼籲，好明顯佢同盲反派元老一樣，就係班後生仔點衝、點「死」都好，對佢哋嚟講最緊要都係有「人血饅頭」食，喺選舉上「收割」令自己人贏出議席。
五大訴求 +「你的選票」？
其實，李柱銘今日喺《生果報》篇文章，基本上剩係睇標題都知佢想講乜，佢篇文章標題為〈五大訴求、你的選票，缺一不可！〉，即係話爭取五大訴求，都「記得」要去投票；只要大家記得近月一班示威者嘅行動口號「五大訴求 缺一不可」，就會發現原來李柱銘為咗選舉，竟然可以喺人哋嘅口號上面「僭建」多個「你的選票」嘅訴求，即係話咩訴求都唔緊要，大家要記得「投票」，年輕人俾人拉、俾人告？都改變唔到事實，選票先係最實際！
李柱銘要幾涼薄先提出呢種「選舉優先」嘅說法，囍雨留返俾大家好好評論，囍雨想講嘅係，依家好多後生仔為咗「政治訴求」出去衝，有啲人被捕、有啲人被告，有啲仲因為衝突嚴重受傷，李柱銘作為「傳統」嘅盲反派人士，時刻記掛住選舉大家都明白，但可唔可以唔好咁肉酸，喺示威者訴求上面自己加個「你的選票」落去，將選舉、投票同政治訴求畫上等號呢？李柱銘呢種A要加埋B嘅感覺，就好似有電影話「瀨尿蝦加埋牛丸」變「瀨尿牛丸」好好食咁，李柱銘你覺唔覺自己果種「宣傳手法」兀突呢？
為選票食「人血饅頭」
老實講，李柱銘呢種說法，名符其實就係食「人血饅頭」，諗住「收割」後生仔、示威者嘅抗爭結果，試圖將佢轉化為給予盲反派候選人嘅選票。值得大家留意嘅係，李柱銘特意喺文章入面提到區議會議席涉及117席特首選委席位，稱如果盲反派全取117席，北京就唔可以「完全忽視民主派的取態」；講咁耐，原來係為選舉加「奪權」，似乎李柱銘嘅思維，完全停留喺過去廿年，就係只顧自己、懶理港人！
請Follow我們的YouTube頻道：
下載我們的手機應用程式，收看第一手精彩內容：
評論