教育人員專業操守議會自廢武功?
教育人員專業操守議會自廢武功?

教育局尋日宣布,有28年歷史嘅教育人員專業操守議會(「議會」),喺5月1日起不再運作。「議會」?相信絕大部分香港市民都未聽過呢個組織,究竟佢哋係做咩,又點解依家要摺埋呢?「議會」不再運作,對香港又有咩實際影響呀?

 

教育局早已負責失德投訴

 

根據教育局發言人所講,「議會」負責嘅工作包括「維持教師專業操守」,以及「促進教師持續專業發展」。先講「維持教師專業操守」呢一部分。睇返資料,其實根據現行機制,任何人如果發現有教師涉嫌專業失德,本身已經可以直接向教育局投訴,亦可以向「議會」投訴。

 

而由2019年6月中至2020年年底,教育局已經接獲269宗有關社會事件嘅教師專業失德投訴,並已完成所有個案,效率總算唔錯。不過另一方面,「議會」同時間則接獲六宗相關投訴,當中涉及四名教師,但至今仍未將個案提交教育局處理。

 

「議會」未有克盡己職

 

意思即係,「議會」做唔到嘢囉!關於反修例暴動嘅失德教師投訴,「議會」只係處理六宗個案,至今最少都超過一年半,但到今日都仲未向教育局交報告,箇中理由係咩?係「唔識」處理,定係「唔想」處理?不過無論答案係「前者」定「後者」都好,都足以證明「議會」早已經自廢武功,甚至只係得返個軀殼,咁留喺度仲有咩意義呢?

 

至於「促進教師持續專業發展」方面,咁就仲簡單。睇返資料,原來早於2013年,教師及校長專業發展委員會(COTAP)已經成立,成員包括前線教育工作者、專上院校專家學者、家長同社會人士。COTAP一直就業界專業發展政策同措施,向政府提供意見,並按需要進行相關教育研究同推展專業發展課程,換而言之,即係香港早就唔需要「議會」去做呢方面工作。

 

工作重疊 架床疊屋

 

道理夠晒簡單啦,既然原本由「議會」負責嘅工作,已經有其他機構承擔,咁停止「議會」運作,的確係合情合理喎。做咩同一分工作,要兩個機構一齊做先?再加上「議會」辦事效率又差,留喺度咪即係架床疊屋?

 

囍雨明白,今日涉及規管香港教師專業操守嘅工作,的確仍有好多不足同值得改革嘅地方,例如應唔應該仿效醫務委員會咁設立涉及專業失德嘅公開聆訊、又或者除咗「警告」同「取消教師資格」外,中間需唔需要設立其他罰則等等,但咁亦唔代表需要「議會」囉,反正教育局一直都負責開教師註冊同紀律事宜啦,對香港市民根本就冇影響,「議會」停止運作其實對各方都利大於弊囉。

 

圖片來源:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

12
好正
6
心心眼
5
好好笑
0
令人傷心
0
嬲爆

評論

  • +85298****49
    +85298****49
    2年前
    0 回應 檢舉
    Excellent
    • +85298****49
      +85298****49
      2年前
      0 回應 檢舉
      Excellent

      沒有更多評論

      沒有更多評論