港大學生 無人「快閃」?
港大學生  無人「快閃」?

上個月底香港大學終於狠下心腸,將佔據咗校園超過二十年嘅「國殤之柱」移走,仲以為件事已經告一段落啦,點知琴晚又有港大生喺校內搞「快閃」行動,抗議校方移走雕像。件事都隔咗成三個星期,呢個話題都已經無咩人講、無咩人關心,依家先搞係咪遲咗啲呢?更好笑嘅係,有記者根據網上資料,準時去到抗議地點採訪,啫係「國殤之柱」原址廣場,點知竟然人影都無個,地下擺咗幾份單張同白花。港大保安就立即將雜物執走咗,清理好現場。所謂「快閃」活動,放幾件垃圾落地就當做咗?呢個就係佢哋想要嘅效果?


「快閃」行動變鬧劇


從呢件事見到,參與嘅人根本唔多,甚至可能只有搞手自己去擺低傳單就走咗,隨時收到風去採訪嘅記者,人數加埋仲多過「快閃」參與者。咁可能代表住幾件事,首先可以係港大生都唔關心呢個議題,或者甚至認同移走都係應該嘅;又或許學生係對校方雖然有不滿,但係唔認同呢場行動,或者覺得呢種表達方式有問題都未定。但講到底,結果擺在眼前,「快閃」行動完全失敗,變成咗一場鬧劇比人恥笑。相信有今次「經驗」,短期內佢哋都唔會再搞啦掛?


涉事學生有否違規?


「國殤之柱」嘅問題,港大雖然唔係處理得咁好,拖咗一段時間先移走,但係後續工作又處理得幾好。校方知道有學生搞「快閃」抗議,一眾保安員反應迅速,明顯係早有準備,呢方面真係值得讚嘅。但係又咁講,今次有學生喺校內搞呢啲行動,相信都無事先申請,否則校方都唔會咁嚴陣以待。到底參與或者發起行動嘅學生,有無違反校規?係咪有校外人煽動,而校方係咪都要調查同處理?


囍雨想講,大家都應該公道咁去睇件事,「國殤之柱」從來無得過港大校方批准,就強行擺咗喺到咁長時間,本身已經有問題;再加上雕像本身有咩政治含意, 大家都知道,校方無理由見到有法律風險,都唔行動去阻止,咁樣完全係講唔通。加上,港大都講過,雕像已經日久老化,如果真係倒下,搞到有人受傷,邊個負責任?邊個賠償先?自稱係物主嘅丹麥藝術家高志活咁多年都唔理個雕像,依家話拎返走,但係又遲遲無行動,一味玩拖字訣。港大去到上個月先移走,可以話係仁至義盡,仲有咩好講,有咩好不滿?


原圖:星島日報

請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

19
好正
2
心心眼
10
好好笑
2
令人傷心
6
嬲爆

評論

  • +85298****49
    +85298****49
    2年前
    0 回應 檢舉
    Excellent
    • 1140204
      1140204
      2年前
      0 回應 檢舉
      总之碌野好礙眼!
      • 一個人
        一個人
        2年前
        0 回應 檢舉
        被國安睇住,手足在無糧支嘅情況下,梗係無人支持,呢個數字才是真實

        沒有更多評論

        沒有更多評論