不要避重就輕 請譚文豪譴責暴力!
不要避重就輕 請譚文豪譴責暴力!

近幾個月,大家都會有種感覺,就係覺得盲反派一直偏袒、包庇暴徒暴力,不但唔譴責暴徒、同暴力割席,反而處處針對執法嘅警方。今日廣男睇新聞,發現一則「奇聞」,就係公民黨立法會議員譚文豪竟然接受親建制媒體訪問,仲話自己對暴力感到「心痛」、不支持「港獨」云云。廣男就喺度諗,譚文豪之前仲不時去到示威地區,幫啲示威者(甚至暴徒)擋住要執法嘅警察,佢依家話對暴力感「心痛」,係真定假呀?同埋如果佢反暴力,點解又唔直接譴責暴徒、同暴力割席呢?呢件事真心古怪!


接受專訪 拒與暴力割席


當廣男今日如常地睇新聞,而睇到譚文豪接受《文匯報》專訪「反暴力」嘅時候,第一個反應係,「我有冇睇錯呀?譚文豪接受《文匯報》訪問反暴力、反「港獨」?」望多兩眼,真係無睇錯,譚文豪除咗話相信無港人希望見到暴力嘅出現,「作為香港人,見到這樣的情況一定會很心痛」,仲話自己係香港人、中國人,佢所屬政黨一早表明唔支持「港獨」。睇完呢篇報道,廣男就喺度諗,如果譚文豪反暴力,係咪應該再直接啲,譴責暴力再同暴力割席呢?


唔知道譚文豪係咪「覺今是而昨非」;奇就奇在,一個政客反對暴力,但又唔譴責暴徒,又無同暴力割席,呢個係咩玩法呢?計正,既然譚文豪都叫人唔好「危及普通市民嘅安全」,咁其實佢立場都好清晰啦,點解唔直接譴責暴徒呢?講真,如果佢想玩平衡,一邊要反暴力,一邊又唔譴責暴徒,咁佢兩面不討好,可能講完衰過冇講喎!


請譚文豪支持《禁蒙面法》


除咗譴責暴徒、同暴力割席,廣男覺得譚文豪仲可以做多一樣嘢,既然佢已經明確反對暴力,佢應該都知道依家好多暴力事件,都係有暴徒恃住自己蒙咗面而胡作非為,佢作為民選立法會議員,亦應該支持訂立《禁蒙面法》,令暴徒因為不能再「蒙面犯法」而「自動消失」。譚文豪有冇呢個勇氣,廣男唔清楚,但如果佢願意咁做,廣男相信部分所謂「和理非」人士,應該仲肯支持佢。講開又講,譚文豪突然高調話對暴力感「心痛」同不支持「港獨」,當中有冇古怪?可能真係要當事人或者局內人先知咩事! 


原圖:RTHK


請Follow我們的YouTube頻道:https://bit.ly/2kgU8qg

 

下載我們的手機應用程式,收看第一手精彩內容:https://www.speakout.hk/app

28
驚訝
31
唔係呀哇
7
無意見

評論

你可能感興趣